Alienum phaedrum torquatos nec eu, vis detraxit periculis ex, nihil expetendis in mei. Mei an pericula euripidis, hinc partem.

Blog

GARR / Kontni nan Kreyol  / Tit  / Aktyalite  / Dwa Moun  / Ayiti/Repiblik Dominikèn : RFJS mande jistis pou Jano Siksè ak respè Pwotokòl rapatriman an
Photo: RFJS

Ayiti/Repiblik Dominikèn : RFJS mande jistis pou Jano Siksè ak respè Pwotokòl rapatriman an

RFJS ki pote non Jano Siksè se yon Rezo ki rasanble komite dwa moun ayisyen ak dominiken sou tout liy fwontyè a.

N ap prezante w nòt RFJS la nan tout entegralite l :

Kòdinasyon Rezo Fwontalye Jano siksè kontinye ap mande jistis pou zak sasinay militè dominiken te fè sou Jano Siksè, yon jèn peyizan 22 lane ki t ap viv nan katriyèm seksyon Tirivyè Latibonit. Nan mwa out 2000 sou 5 mwa maryaj, Jano Siksè te deside janbe fwontyè pou al chèche travay. Li pa t ap janm retounen vivan ankò nan peyi Dayiti.

RFJS mande Leta ayisyen ak Leta dominiken pou reponn rèl pèp ayisyen an ki pa sispann sibi abi ak move tretman sou fwontyè a.

Lè nou konsidere Leta ayisyen ak Leta dominiken pa montre yon volonte politik pou amelyore relasyon ant 2 pèp yo sou zile a ;

Nou konstate Pwotokòl 2 Desanm 1999 la sou rapatriman ki te siyen ant Ayiti ak Repiblik Dominikèn, ki di ki jan yo dwe rapatriye moun, Pwotokòl sa a pa janm rive respekte. N ap fè sonje prensipal dispozisyon ki nan Pwotokòl sa a:

1-Yo pa kapab rapatriye moun lannwit (sa vle di soti 6 zè nan aswè pou rive 8 tè nan maten) ni lè dimanch ni jou fèt yo. Sèlman yo ka rapatriye moun soti 8 tè nan maten pou rive midi.

2- Se pou yo evite separe papa oubyen manman ak pitit ki poko majè

3- Se nan zòn fwontyè sa yo selman yo ka rapatriye moun : Jimani/Malpas, Dajabon/Wanament, Elyas Pinya/ Beladè ak Pedènal/ Ansapit.

4-Otorite yo pa gen dwa pran zafè pèsonèl moun y ap rapatriye yo : non plis tou yo pa kapab kenbe papye pèsonèl moun yo. Rapatriye yo gen dwa pou retounen ak zafè pèsonèl yo.

5- Otorite ki nan migrasyon dominiken dwe bay chak rapatriye yon kopi pèsonèl fòmilè ki ba yo lòd pou rapatriye moun nan.

6- Anvan yo fè rapatriman an, otorite migrasyon dominiken dwe voye bay diplomat oubyen konsil ayisyen yo lis non moun yo deside rapatriye yo. Yo dwe fè sa nan yon dèle rezonab.

7- Otorite ayisyen yo dwe mete kontwòl sou tout fwontyè ant Ayiti ak Repiblik Dominikèn pou evite gwoup ayisyen san papye janbe nan teritwa dominiken.

8-Gouvènman asyisyen an pran angajman pou double jefò li pou l kapab bay tout moun ki fèt nan peyi Dayiti papye.

Nou menm Rezo fwontalye Jano Siksè pou Pwomosyon ak Defans Dwa Moun, nou mande leta ayisyen ak Leta dominiken pou yo respekte Pwotokòl 2 Desanm 1999 la yo siyen ansanm e ki pa janm respekte.

 

Alexis Alphonse

Kòdonatè Nasyonal

Rezo fwontalye Jano Siksè (RFJS)

No Comments

Post a Comment