Alienum phaedrum torquatos nec eu, vis detraxit periculis ex, nihil expetendis in mei. Mei an pericula euripidis, hinc partem.

Blog

GARR / Kontni nan Kreyol  / Tit  / Aktyalite  / Dwa Moun  / Rezo Machann Fwontyè prezante sitiyasyon Dwa Moun nan mache fwontalye yo
Foto: Josué Michel

Rezo Machann Fwontyè prezante sitiyasyon Dwa Moun nan mache fwontalye yo

Rezo Machann Fwontyè ki gen ladann 9 komite ki tabli sou tout liy fwontalyè a, pran nesans nan mwa novanm  2013 nan lide pou denonse tout abi ak vyolasyon Dwa Moun  machann yo ap sibi nan mache fwontalye yo

Jounen jodi a, nou menm machann fwontyè, deside leve vwa nou pou pataje ak otorite peyi Dayiti kèk ka vyolasyon ak abi nou kontinye ap viktim nan mache fwontalye yo

Prezantasyon kèk ka vyolasyon Dwa moun ak abi

  • Nan dat ki te 24 avril 2015, Ralph Ramón, yon Dominiken ki plase nan mache Eliaspin pou kolekte taks nan men machann yo, sezi 38 pè bòt nan men yon machann ayisyen ki rele Olinès St Jean
  • 10 jiyè 2015, Ralph Ramón sezi 18 pè bòt nan men Madam Olinès St Jean
  • 17 out 2015, menm Dominiken sa a sezi 12 pè tenis nan men Jean Robert
  • 17 septanm 2015, nan mache Loskakawòs, yon sivil dominiken frape yon machann ayisyen. Ensidan sa rive paske sivil dominiken an t ap fòse l achte yon sak patat ki pa t bon

     

  •  25 oktòb 2015, nan mache Tilori plizyè Dominiken achte machandiz nan men machann ayisyen epi yo pa peye.

Rezo Machann Fwontyè ap fè remake se 1000 peso otorite dominikèn yo reklame nan men machann ayisyen yo pou taks nan mache Elyaspin alòske se sèlman 150 peso machann dominiken yo peye nan menm mache sa a.

Rezo Machann Fwontyè ap pwofite denonse dezekilib ki genyen nan nivo pri pwodui machann ayisyen yo ap vann nan mache fwontalye dominiken yo. Lè nou pran pa egzanp pwodui kosmetik yo, otorite dominikèn yo reklame 200 peso kòm taks nan men Dominiken. Poutan se 500 peso yo reklame nan men Ayisyen.

Mete sou sa, Dominiken ki plase nan mache fwontalye pou resevwa taks nan men machann ayisyen yo, sezi lè lide yo di yo kantite machandiz yo vle lè machann yo  poko gen lajan pou peye yo taks ki reklame yo

Fas ak sitiyasyon sa a ki bay machann yo gwo kè kase parapò ak kondisyon lavi yo, Rezo Machann Fwontyè ap mande :

  • Pou otorite ayisyèn yo jwenn prese prese yon antant ak Leta dominiken  pou revize pri taks yo ki pa ekilibre
  • Pou Leta ayisyen kontinye dyaloge ak otorite dominikèn yo pou fè respekte dwa Ayisyen ak Ayisyèn k ap viv sou fwontyè a ak  sila yo k ap frekante mache fwontalye yo
  • Pou otorite ayisyèn yo jwenn yon antant ak Leta dominiken pou retounen sou desizyon ki entèdi antre 23 pwodui sou teritwa ayisyen an pa mwayen transpò kamyon paske se nou menm ti machann k ap sibi nan sitiyasyon sa a
  • Pou mete plis polisye nan zòn fwontalye yo an patikilye sou bò Ayiti pou asire sekirite moun k ap viv oswa k ap frekante fwontyè a.

                   Viv respè dwa tout machann nan mache fwontalye yo !

                    Viv yon kilti dwa moun ak bon jan amoni sou fwontyè a ak nan mache fwontalye yo

 

                   Pou Rezo Machann Fwontyè:

 

                 

                   Marie Carmelle Versius

                    Kòdonatris

No Comments

Post a Comment