Alienum phaedrum torquatos nec eu, vis detraxit periculis ex, nihil expetendis in mei. Mei an pericula euripidis, hinc partem.

Blog

GARR / Kontni nan Kreyol  / Tit  / Aktyalite  / Moun deplase yo  / Leta Ayisyen dwe ankadre peyizan yo ki te akeyi plis pase 600 mil deplase

Leta Ayisyen dwe ankadre peyizan yo ki te akeyi plis pase 600 mil deplase

« Gen 600 mil moun ki te deplase al viv nan zòn riral yo apre tranblemann tè 12 janvye 2010 la. Peyizan yo te oblije itilize rezèv yo(semans pou y al plante) pou okipe deplase sa yo. Mwa oktòb se lè pou peyizan yo al plante, se sèlman 3 ak 4 mil tòn semans ki distribiye nan zòn riral yo. Peyizan yo vin twouve yo nan sitiyasyon difisil tankou sa ki nan zòn Latibonit ki te akeyi anpil moun deplase ». Se deklarasyon Maggy Mathurin te fè pandan li t ap analize sitiyasyon moun deplase yo nan milye riral la ak pwoblèm lamanjay nan peyi a apre tranbleman te 12 janvye 2010 la.Dapre Madan Mathurin, yon etid Digicel montre gen plis pase 200 mil moun ki deja retounen nan kapital la nan dènyè jou sa yo. Dapre militant lan, move fason otorite yo ap jere deplase yo se rezon ki lakoz moun yo tounen : Tout èd yo konsantre nan zòn ki te frape yo sitou Pòtoprens. Anplis tou pa gen okenn sèvis nan zòn riral yo, tankou sèvis sante, lekòl, travay, ak lòt anko.Pi lwen, Madam Mathurin deklare sitiyasyon ekonomik la malouk nan kan yo tankou nan zòn riral yo. Li fè konnen gen yon tye nan fanmi nan Pòtoprens yo ki pèdi tout sa yo te gen kòm rezèv manje alòske se sèlman 17% moun k ap viv anba tant yo k ap travay. Lòt yo ap tann transfè nan men moun nan dyaspora a, oswa yo lage sou kont lòt moun.Sitiyasyon an pa depaman nan zòn riral yo. « Pa gen okenn politik ki pou ta restriktire ekonomi familyal peyizan yo. Anpil nan rekòt yo, pase nan manje nan fanmi yo. Plan ki prezante yo plis konsènen sektè fòmèl yo. Otorite yo pa janm voye je sou peyizan yo. Desizyon ki te pran nan lane 94-95 pou louvri vant peyi a gen gwo konsekans sou lavi peyizan yo», dapre sa Madam Mathurin fè remake. Pou fini, Madam Mathurin ankouraje peyizan yo òganize tèt yo an Koperativ agrikòl pou defann enterè yo. Li mande yo tou pou fè pledwaye nan tout espas piblik bò kote otorite yo pou fòse yo chanje konpòtman yo.Madam Mathurin te fè deklarasyon sa yo nan kad yon jounen refleksyon GARR te òganize nan dat 12 jiyè 2010 pou analize sitiyasyon dwa moun deplase yo 6 mwa apre tranblemann tè a.

No Comments

Post a Comment